அடிக்கடி கேட்கப்படும் கேள்விகள் (FAQ)

1. இந்த இணையதளத்தில் என்னென்ன தகவல்களைப் பெறலாம்?

கொழும்பு பங்குச்சந்தையின் (CSE) தினசரி நிலவரங்கள், நிறுவனங்களின் பங்கு விலைகள், பங்குலாபம் (Dividends) போன்ற முக்கிய அறிவிப்புகள் மற்றும் புதிய முதலீட்டாளர்களுக்கான அடிப்படை வழிகாட்டல்களை நீங்கள் இங்கு எளிமையாகப் பெறலாம்.

2. இலங்கை பங்குச்சந்தையில் முதலீடு செய்ய நான் எப்படி தொடங்குவது?

பங்குச்சந்தையில் முதலீடு செய்ய, நீங்கள் முதலில் அங்கீகரிக்கப்பட்ட பங்குத்தரகர் (Stockbroker) மூலமாக ஒரு CDS (Central Depository System) கணக்கைத் தொடங்க வேண்டும். இது தொடர்பான முழுமையான வழிகாட்டல்களையும் விளக்கங்களையும் எங்கள் இணையதளத்தின் 'கல்வி' (Education/Guides) பகுதியில் நீங்கள் வாசித்துப் பயன்பெறலாம்.

3. நீங்கள் குறிப்பிட்ட பங்குகளை வாங்க அல்லது விற்க ஆலோசனை (Stock Tips) வழங்குகிறீர்களா?

இல்லை. நாங்கள் எந்தவொரு குறிப்பிட்ட நிறுவனத்தின் பங்கையும் வாங்கவோ அல்லது விற்கவோ பரிந்துரைப்பதில்லை. இங்குள்ள தகவல்கள் அனைத்தும் உங்களுடைய சொந்தப் பகுப்பாய்விற்கு (Analysis) உதவுவதற்காக மட்டுமே வழங்கப்படும் கல்வி நோக்கிலான தரவுகளாகும். முதலீட்டு முடிவுகளை எடுப்பதற்கு முன் உங்கள் சொந்த ஆய்வை மேற்கொள்ளவும்.

4. இந்த இணையதளத்தில் காட்டப்படும் பங்கு விலைகள் நேரடியானவையா (Live Data)?

இந்த இணையதளத்தில் உள்ள தரவுகள் தகவல் நோக்கங்களுக்காக வழங்கப்படுகின்றன. அதிகாரப்பூர்வ நேரடித் தரவுகளுக்கு (Live data) சில நிமிட தாமதம் (Delayed) இருக்கலாம். எனவே, உங்கள் துல்லியமான நேரடி வர்த்தகத்திற்கு (Trading) உங்களின் பங்குத்தரகர் வழங்கும் உத்தியோகபூர்வ செயலி அல்லது இணையதளத்தைப் பயன்படுத்தவும்.

5. MJM ISHAQ நடத்தும் பங்குச்சந்தை பயிற்சி வகுப்புகளில் நான் எப்படி இணைவது?

நான் தொடர்ந்து புதிய முதலீட்டாளர்களுக்கான பங்குச்சந்தை பயிற்சி வகுப்புகளை (Batches) நடத்தி வருகிறேன். புதிய வகுப்புகள் குறித்த திகதி மற்றும் நேர அறிவிப்புகளை இந்த இணையதளத்தில் வெளியிடுவோம். வகுப்புகளில் இணைய விரும்புபவர்கள் 'தொடர்புகளுக்கு' (Contact Us) பகுதியில் உள்ள எங்களது மின்னஞ்சல் அல்லது தொலைபேசி இலக்கத்தின் ஊடாகத் தொடர்புகொள்ளலாம்.